[부고] NANOVFSZKY GYÖRGY (1942-2021)

 

 

헝가리 에스페란토 협회 명회 회장인 NANOVFSZKY György 박사가 8월 10일 부다페스트에서 사망하였다.

그는 1958년에 에스페란티스토가 된 후 교수, 대사, 고위공직자, 편집자, 저자로서 활발히 에스페란토 운동을 주도하였다.

1983년부터 1988년까지 Planlingvistiko 저널의 편집장이었으며, 1992-98년 모스크바 주재 헝가리 대사를 역임하였고, 1994-2011년 모스크바 국제 대학의 교수로, 2002-2005년 싱가포르 대사로서 싱가포르 지역 에스페란토 운동에 기여하였다. 1998년부터 2006년까지 헝가리 에스페란토 협회(HEA)의 회장, UEA의 A 위원을 역임하였고 2012년에는 UEA 명예 회원이 되었다.

헝가리 에스페란토 운동의 황금기를 일궈낸 NANOVFSZKY GYÖRGY 박사님의 별세를 애도하며 삼가 고인의 명복을 빕니다.

 <국제담당 이사 박해심>

 

 

FORPASIS NANOVFSZKY GYÖRGY (1942-2021)

 

NANOVFSZKY György naskiĝis en Budapeŝto, la 10-an de aprilo 1942, kaj forpasis tie la 10-an de aŭgusto 2021. Li estis Honora Prezidanto de Hungaria Esperanto-Asocio, Honora Membro de UEA. Profesoro kaj membro en la Akademio Internacia de la Sciencoj en San Marino kaj aliaj akademioj kaj universitatoj, altranga ŝtatoficisto en la Hungara Registaro, en UN kaj en multaj aliaj internaciaj organizaĵoj kaj Ambasadoro de Hungario en ses landoj.

 

Li esperantistiĝis en 1958. Ekde tiam li aktivis movade kaj publikigis verkojn, artikolojn kaj tradukojn. Li estis prezidanto de Studenta E-Klubo en Budapeŝto dum 1958-1960 kaj kunorganizanto de la 51-a IFEF-kongreso en 1962. De 1963 ĝis 1968 li aktivis en la Moskva E-klubo "Fajrero", vizitante la renaskiĝintajn klubojn en Siberio, Kaŭkazio, Sankt-Peterburgo kaj Irkutsko. Nanovfszky doktoriĝis pri ĝenerala lingvistiko en la Budapeŝta Universitato ELTE en 1973. Li estis funkciulo de Konferenco de la Unuiĝintaj Nacioj pri Komerco kaj Disvolvado en Ĝenevo dum 1982-85, ankaŭ reprezentante Universalan Esperanto-Asocion ĉe UN en la sama urbo. De 1983 ĝis 1988 li estis ĉefredaktoro de la revuo Planlingvistiko.

 

Kiel hungara ambasadoro en Moskvo dum 1992-98 Nanovfszky helpis reaktivigi la movadon en Moskvo kaj tutlande. Li estis profesoro de la Moskva Internacia Universitato JUSTO dum 1994-2011. En 1996 li denove doktoriĝis pri politologio en la Rusia Akademio de Sciencoj. Ekde 1998 li estis membro kaj profesoro de AIS kaj aliaj universitatoj kaj sciencaj kolegioj. Kiel ambasadoro en Singapuro dum 2002-2005 li aktivigis lokajn esperantistojn organizante regulajn renkontiĝojn kaj kun la frato de la ĉefministro fondis la singapuran Esperanto-organizaĵon. Ekde 1998 ĝis 2006 li estis prezidanto de Hungaria Esperanto-Asocio (HEA) kaj ties komitatano A en UEA. Post lia sindonema kaj meritplena agado kiel prezidanto de HEA, en 2007 li fariĝis honora prezidanto de HEA kaj en 2012 Honora Membro de UEA.

 

Estas konate, ke la Esperanto movado tradicie havis altan prestiĝon en la hungara socio kaj dum la unua UK en Budapeŝto la ĉefministro kaj la katolika ĉefepiskopo (la du plej altprestiĝaj eminentuloj de la tiama hungara socio) estiĝis la altaj protektantoj de la evento. Pro tiu tradicio la gvidantoj de HEA kaj ties antaŭorganizaĵoj estis altrangaj ŝtatoficistoj, ministroj kaj aliaj membroj de la registaro kaj sekciestroj de la Hungara Parlamentejo. Prof. D-ro Nanovfszky estis la lasta altranga kaj altprestiĝa ŝtatoficisto en tiu vico kaj pro tio oni nun entombigas ne nur lian korpon sed ankaŭ la sukcesan oran epokon de la pli ol centjaraĝa Hungaria Esperanto-Asocio.

Legu pri li pli detale en eo.wikipedia.org/wiki/György_Nanovfszky